काठमाडौं । थाइल्याण्डमा आयोजना हुने एएसबीसी यू-२२ मेन्स एण्ड उमेन्स बक्सिङ च्याम्पियनसिपका लागि खेलाडीको छनोट हुने भएको छ ।
नेपाल बक्सिङ संघले मंगलबार एक विज्ञप्ति निकाल्दै पुरुष तथा महिला खेलाडीको छनोट पुस ११ देखि १३ गतेसम्म हुने जनाएको छ ।
बैककमा आयोजना हुने च्याम्पियनसिप जनवरी १६ देखि २७ तारिखसम्म हुने संघले जनाएको छ ।
पुरुषतर्फ ४८ केजी, ५७ केजी र ८६ केजी तौल समूहलाई समावेश गरिएको छ ।
यस्तै महिलातर्फ ४८ केजी,५७ केजी, ७५ केजी र ७५ केजी माथिको तौल समूहलाई समावेश गरिएको छ ।
सातदोबाटोस्थीय अन्तराष्ट्रिय खेलकुद परिषदको बक्सिङ हलमा हुने छनोटमा सन् २००१ जनवरी १ देखि २००४ डिसेम्बर ३१ सम्म जन्मेका खेलाडीले सहभागिता जनाउन पाउने छन् ।
