काठमाडौं । हेम्स र एआईए ११ औं प्याब्सन मध्य क्षेत्रीय बास्केटबल प्रतियोगिताको सिनियर ब्वाइजमा आइतबार फाइनलमा प्रवेश गरेका छन् ।
प्याब्सन मध्य क्षेत्रीय कमिटी, काठमाडौंद्वारा आयोजित प्रतियोगितामा हेम्सले चैतन्य संस्कारलाई २४–११ तथा एआईएले स्प्याङ्गललाई ४०–२० ले पराजित गरे ।
सिनियर गर्ल्समा इनोभेटिभले चैतन्यलाई ११–१० तथा काठमाडौं जेभियर्सले स्वप्नवाटिकालाई १२–११ को साँघुरो अन्तरले हराउदै फाइनलमा स्थान सुरक्षित गरे ।
जुनियर ब्वाइजमा चैतन्य र काठमाडौं जेभियर्सले शनिबारै उपाधि भिडन्त पक्का गरिसकेका छन् ।
