काठमाडौं । आयोजक भ्याली पब्लिक र काष्ठमण्डप १५ औं माछापुच्छ्रे–भ्याली पब्लिक कप अन्तरविद्यालय बास्केटबल प्रतियोगिताको सिनियर गर्ल्समा शनिबार फाइनलमा प्रवेश गरेका छन् ।
भ्याली पब्लिकले एचएचसीएलाई १७–११ ले पराजित गर्यो । भ्याली पब्लिकको जितमा लोरिशा गौचनले ११ अंक योगदान गरिन् । आस्ना अर्यालको १० अंक सहयोगमा काष्ठमण्डपले ग्रिनल्यान्डलाई २६–१५ ले हरायो ।
सिनियर ब्वाइजमा भ्याली पब्लिक र गोल्डेनपिकले उपाधि भिडन्त पक्का गरे । भ्याली पब्लिकले हिमालयन किङ्डममाथि ६६–३६ को सहज जित दर्ता गर्यो । भ्याली पब्लिकका अनमोल गुरुङ र सुशान चौधरीले समान १९–१९ अंक जोडे । गोल्डेनपिकले बसुन्धारा नेसनल एकेडेमी (बीएनए) को चुनौती ३९–३७ ले समाप्त पार्यो । विजेताका दिनेश रापालले १४ स्कोर गरे ।
जुनियर ब्वाइजमा ग्रिनफिल्ड र बीएनए उपाधिका लागि भिड्ने भएका छन् । ग्रिनफिल्डले गोल्डेनपिकलाई २७–२१ ले पाखा लगायो । ग्रिनफिल्डका अर्जुन बस्नेतले १८ अंक जोडे । बीएनएले एन्जल्स हार्टमाथि २४–२३ को कठिन जित निकाल्यो । बीएनएका एलेक्स गुरुङले ११ स्कोर गरे ।
