काठमाडौं । स्प्याङ्गल ११ औं प्याब्सन मध्य क्षेत्रीय बास्केटबल प्रतियोगिताको सिनियर ब्वाइजमा बिहीबार क्वाटरफाइनलमा प्रवेश गरेको छ ।
प्याब्सन मध्य क्षेत्रीय कमिटी, काठमाडौंद्वारा आयोजित प्रतियोगितामा स्प्याङ्गलले चैतन्यलाई २८–१८ ले पराजित गर्यो । सोही स्पर्धामा काठमाडौं जेभियर्सले एसियन पब्लिकलाई ४४–३० ले हरायो ।
सिनियर गर्ल्समा स्वप्नवाटिकाले एसियन पब्लिकलाई १३–९, हेम्सले सूर्योदयलाई ६–२, चैतन्यले केइएसलाई ५–३ र इनोभेटिभले सनसाइनलाई १२–१० ले पन्छाए ।
जुनियर ब्वाइजमा एसियन पब्लिकले केइएसलाई ४–२, चैतन्यले एआईएलाई २२–१६, एआईएले लिटिल फ्लावरलाई ३३–११ र सूर्योदयले स्प्याङ्गललाई ११–७ ले पाखा लगाए ।
