काठमाडौं । एसियन पब्लिकले ११ औं प्याब्सन मध्य क्षेत्रीय बास्केटबल प्रतियोगिताको सिनियर ब्वाइजमा सोमबार जित हात पारेको छ ।
प्याब्सन मध्य क्षेत्रीय समिति, काठमाडौंद्वारा आयोजित प्रतियोगितामा एसियनले लिटिल फ्लावरलाई १८–६ ले पराजित गर्यो। सिनियर ब्वाइजकै अन्य प्रतिस्पर्धामा लिभरपुलले सूर्योदयलाई २४–१७, हेम्सले सुप्रिमलाई ३५–५, चैतन्यले अल्वर्टलाई १८–९, एआईएले सनसाइनलाई ३९–१० र स्पाङ्गलले इलाइट ग्रान्डलाई १७–६ ले हराए ।
जुनियर ब्वाइजमा सूर्योदयले लिटिल फ्लावरलाई २४–४ तथा चैतन्यले एसियनलाई १७–२ ले पाखा लगाए । सिनियर गल्र्समा श्रृजनशिलले अल्वर्टमाथि ४–१ को जित निकाल्यो ।
