काठमाडौं । गोल्डेनगेट कलेज र मोर्गान कलेज राजधानीमा जारी तेस्रो संस्करणको उपत्यकाव्यापी रोजवड बास्केटबल प्रतियोगिताको ब्वाइजतर्फ क्वाटरफाइनलमा प्रवेश गरेका छन् ।
रोजवड स्कुलको खेल मैदानमा बिहिबार भएको ब्वाइजतर्फको समूह चरणको खेलमा गोल्डेनगेट कलेजले आयोजक रोजवड स्कुलमाथि ५०–३७ को जित निकाल्यो । बिहिबारकै अर्काे खेलमा सुनिल मगरको २३ अंकको योगदानमा मोर्गानले ट्रिनिटीमाथि ५३–४४ को जित निकाल्यो ।
यो नतिजासँगै ब्वाइजतर्फको क्वाटरफाइनलमा समिकरण पूरा भएको छ । ब्वाइजतर्फ समूह ‘ए’ बाट सिसिआरसी कलेज र न्यु समिटले अन्तिम आठमा स्थान बनाए । समूह ‘बी’ बाट ट्रिनिटी कलेज र मोर्गान कलेज, समूह ‘सी’ बाट टाइम्स कलेज र साइपाल एकेडेमी तथा समूह ‘डी’ बाट गोल्डेनगेट कलेज र जेभियर इन्टरनेसनल कलेजले अन्तिम अठमा थान बनाउन सफल भएका हुन् ।
अब क्वाटरफाइनलमा न्यु समिट र साइपाल एकेडेमी, मोगार्न र जेभियर इन्टरनेसनल कलेज, गोल्डेनगेट र ट्रिनिटी तथा टाइम्स र सीसीआरसीबीच खेल हुने आयोजकले जनाएको छ ।
गल्र्सतर्फ साइपाल एकेडेमी फाइनलमा पुग्न सफल भएका छन् ।
