ट्रिनिटी र न्यु समिट क्वाटरफाइनलमा

काठमाडौं ।ट्रिनिटी कलेज र न्यु समिट कलेज राजधानीमा जारी तेस्रो संस्करणको उपत्यकाव्यापी रोजवड बास्केटबल प्रतियोगिताको ब्वाइजतर्फ क्वाटरफाइनलमा प्रवेश गरेका छन् ।

रोजवड स्कुलको खेल मैदानमा बुधबार भएको ब्वाइजतर्फको समूह चरणको खेलमा न्यु समिटले ज्ञान निकेतन कलेजमाथि ६०–४७ को जित निकाल्यो । न्यु समिटको जितमा विशाल मानन्धरले १६ अंकको योगदान दिए ।

ट्रिनिटीले क्याम्पियन एकेडेमीमाथि ७४–३२ को जित निकाल्यो । यस्तै प्रवेश तामाङको १० अंकको मद्दतमा सिसिआरसीले सेन्ट जेभियर स्कुललाई ५२–३९ ले पराजित गर्यो ।

गल्र्सतर्फ मोर्गान कलेजले ट्रिनिटीमाथि ४४–२३ को फराकिलो जित निकाल्यो ।