नवौं राष्ट्रिय : त्रिपलजम्पमा शिलालाई स्वर्ण

पोखरा । नवौं राष्ट्रिय खेलकुद अन्तर्गत एथलेटिक्सको महिला त्रिपलजम्पमा एपीएफकी शिला चौधरीले स्वर्ण पदक जितेकी छिन् ।

पोखरा रंगशालामा बिहीबार शिलाले ११.०१ मिटर जम्प गर्दै स्वर्ण जितेकी हुन् ।

नवौंमा शिलाको यो पहिलो स्वर्ण हो ।

पुलिस क्लबकी सिमा चौधरीले १०.७६ मिटर जम्प गर्दै रजत हात पारिन् ।

कास्य जितेकी एपीएफकी रन्जिता राईले ९.९१ मिटर जम्प गरिन् ।