काठमाडौं । नवौं राष्ट्रिय खेलकुद प्रतियोगिता, आयोजनाको संघारमा छ । गण्डकी प्रदेशमा आयोजना हुन गईरहेको यस प्रतियोगितामा देशभरका राष्ट्रिय स्तरका खेलाडी आफ्नो उत्कृष्ट खेल प्रर्दशन गर्न तयारी अवस्थामा बसेका छन् । व्यवस्थापक, खेलाडी तथा अफिसियल पोखरा हिड्ने-पुग्ने क्रम सुरु भैसकेको छ ।
राष्ट्रिय खेलकुद राष्ट्रिय गौरवको खेलकुद प्रतियोगिता हो । हरेक दुई वर्षमा राष्ट्रिय स्तरका खेलकुद प्रतिभाको खोजी गर्ने र देशका हरेक भूभागमा खेल पूर्वाधारको निर्माण गर्ने यसको लक्ष्य र उद्धेश्य रहदै आएको छ । विभिन्न आशंका र चुनौतीलाई पार गर्दै देश यतिबेला नवौं राष्ट्रिय खेलकुद प्रतियोगिताको तयारीमा छ । अबको एक हप्तापछि सात प्रदेश सहित ११ टिमका खेलाडीले गण्डकी प्रदेशका विभिन्न जिल्लामा हुने खेल स्पर्धामा आफुलाई अब्बल सावित गर्न प्रयास गर्नेछन् ।
कुनैपनि भब्य प्रतियोगिता वा कार्यक्रमको मानक भनेकै त्यस कार्यक्रमको ‘समारोह’लाई मानिन्छ । हरेक ठुला इभेन्टको उद्घाटन समारोहले त्यस कार्यक्रमको भव्यतालाई मापन गर्ने काम गर्छ । नवौं राष्ट्रिय खेलकुद प्रतियोगिताको समारोहलाई भब्य बनाउन आयोजक राष्ट्रिय खेलकुद परिषद् (राखेप)ले समारोह उपसमिति गठन गरेको छ र त्यसको जिम्मेवारी कार्यकारी बोर्ड सदस्य यकेन्द्र कुँवरलाई दिएको छ । कुँवर नेतृत्वको समारोह उपसमिति उद्घाटन सत्र र समापन सत्रलाई भब्य बनाउन अहिले जोडतोडले तयारी गरिरहेको छ । सानो बजेट र छोटो समयको तयारीका बीच समारोहलाई भब्य बनाउने चुनौती र अवसर कुँवर नेतृत्वको उपसमितिलाई छ ।
नवौं राष्ट्रिय खेलकुद प्रतियोगिताको समारोहको काम कसरी अघि बढेको छ ? यस समारोह अन्य कार्यक्रम भन्दा कसरी भिन्न हुन्छ भनेर हामीले समारोह उपसमितिका संयोजक यकेन्द्र कुँवरलाई हामीले सोधेका छौं ?
'नवौं राष्ट्रिय खेलकुद देशको पर्यटकीय नगरी गण्डकी प्रदेशको पोखरामा ४० बर्षको अन्तरमा दोस्रो पटक आयोजना हुन गईरहेको छ । यसको उद्घाटन असोज २८ गते र समापन कात्तिक ३ गते हुनेछ । समारोह उपसमितिको संयोजकले नाताले उद्घाटनको दिन अब नजिकै छ ।
जब म उपसमितिको संयोजक भए, लगत्तै हाम्रो चार जनाको टिम बनेको थियो । त्यो टिमले पोखरामा स्थलगत भ्रमण गरेर कसरी समारोहलाई भब्य र सभ्य गर्ने भन्ने विषयमा छलफल गर्यो । त्यहाँका सुरक्षा निकायका प्रमुखसँग, खेल बिज्ञ र खेलकुद प्रेमीहरुसँग, खेलाडीसँग पनि विचार बिमर्श गरेका थियौ ।
त्यसपछि दोस्रो पटक पोखरामा गयौ । पोखरामा सशस्त्र, सेना र प्रहरीका प्रमुख र त्यहाँका समारोहसँग आबद्ध भएका अफिसरसँग भेटवार्ता गरेर नवौंको समारोहलाई कसरी सभ्य र भब्य गर्ने भन्ने विषयमा सुझाव लिने काम सकेका थियौं ।
सेनालाई म विशेष रुपमा धन्यवाद दिन चाहन्छु । जसरी सेनाको खेलकुदप्रतिको भावना देखे, त्यसले मलाई धेरै खुसी बनाएको छ । त्यसपछि प्रदेश सरकारका खेलकुद मन्त्री दिपक मनाङ्गेसँग समेत भेटवार्ता भयो । उहाँले समेत यसलाई सकारात्मक रुपमा लिएको बताउनुभयो । उहाँले पनि प्रदेश सरकारबाट पूर्ण सहयोग गर्ने बचन दिनुभएको छ ।
हामीले स्थानिय निकाय र सरकारसँग समेत छलफल गर्यौ । उहाँले पनि सकारात्मक रुपमा लिदै सहयोगको बाचा गर्नुभएको छ । गण्डकी प्रदेश समग्र नेपालमा खेलकुदका लागि अत्यन्त राम्रो ठाउँ हो । यहाँ हरेक व्यक्ति खेलकुद प्रेमी र खेलाडीप्रति माया गर्ने स्वभावका छन् । गण्डकी प्रदेशका मानिसहरुको नेपालमा मात्र नभएर विदेशमा पनि बाक्लो बसोबास हुने भएकाले, खेलकुदको बास्तविकता के हो भन्ने सबैले बुझेका छन् । यसलाई कुम्भ मेलाका रुपमा प्रदेशले लिएको पाएको छु । खेलाडीमात्र नभएर गण्डकी प्रदेशका हरेक ब्यक्ति यसलाई भब्य र सभ्य बनाउन आफ्नो ठाउँबाट लाग्नुभएको छ ।
नेपालमा भएको पछिल्लो दक्षिण एसियाली खेलकुद प्रतियोगिता सागमा सांस्कृतिक झाकीलाई महेश गोदारले हेर्नुभएको थियो । उहाँ करिब एक महिनादेखि प्याबसन, हिसान लगायतका संस्थासँग समन्वय गरेर स्कुलमा गएर नृत्य सहितको कोरियोग्राफी गरिरहनु भएको छ । त्यो नृत्य उद्घाटन र समापन समारोहमा देखाउने छौं । विशेष रुपमा गण्डकी प्रदेश खेल जस्तै साँस्कृतिको खानी समेत भएका कारण यहाँका मानिसको लोकसस्कृति प्रति अघात प्रेम छ । सोही कारण समापन समारोहमा भब्य दोहरीको समेत आयोजना गरेका छौं । त्यसको लागि तयारी पुरा भैसकेको छ ।
हामीले उद्घाटनमा प्रत्येक प्रदेशको झाकी तयार गरिसकेका छौं । त्यसको अभ्यास भैरहेको छ । नेपालका ख्यातीप्राप्त कलाकारले गीत गाउँदा त्यहाँ नृत्य समेत प्रस्तुत हुनेछ । त्यसको पनि निरन्तर अभ्यास भैरहेको छ । त्यस्तै विभाग भित्रको राष्ट्रिय सेवा दलको रुपमा हामीले जसलाई चिनेका छौं, उनीहरुकै सहयोगमा स्कुलको विद्यार्थीबाट खुकुरी डिलको तयारी गरेका छौं । त्यसको कमाण्ड नेपाली सेनाले लिएको छ । नेपाली सेनाले मार्चपास, सलामी नृत्यदेखि लिएर ब्यान्डको प्रर्दशनी लगायतका महत्वपुर्ण जिम्मेवारी लिएको छ ।
सशस्त्र प्रहरीले मस्कट प्रर्दशनी, मास्क लगाएर प्रर्दशन गर्ने जिम्मेवारी सहित झण्डा बोकेर अघि बढ्ने प्रर्दशनीको नेतृत्व गर्नेछ । पुलिसले पनि ब्याडबाजा सहित प्रर्दशनी गर्नेछ । नवौंको सुरक्षाका लागि धेरै प्रहरी खटिने भएका कारणले पुलिसलाई समारोहको बोझ दिएका छैनौं । त्यसैले समारोहको तयारी अन्तिम चरणमा पुगेको अवस्था छ । अब रंगशालाको ग्राउण्डमा यसलाई अभ्यास गराउँदै उद्घाटन समारोहलाई भब्य र सभ्य बनाउने दिशामा अग्रसर छौं ।
यस पटक राष्ट्रिय खेलकुदको नयाँ ट्रफी बनायौं । ट्रफी टूर सम्पन्न भैसकेको छ । ट्रफी यस प्रतियोगिताको नयाँपन हो । स्थायी रुपमा टर्च लाइट राख्ने ब्यवस्था गरेका छौं । अझै नयाँपन दिन खोजेका थियौं, तर कोभिडका कारण बजेट कटौतीले धेरै काम गर्न सम्भव पनि भएन । यस नवौंको उद्घाटनलाई डिजिटलमय बनाउने हाम्रो सोच थियो । त्यसको आर्थिक पक्षलाई पनि हेर्नुपर्ने हुने रहेछ । तर नवौं राष्ट्रिय खेलकुदमा यसअघिको समारोह भन्दा फरक झलक आउनेछ ।
प्राविधिक रुपमा अन्य सबै तयारी सकिएको छ । सबैलाई प्रचलित नियम अनुसार प्राविधिक काम सम्पन्न भैसकेका छन् । नवौंलाई दशैं र तिहार पर्वको रुपमा मनाउन पोखरामा हाम्रो उपसमिति केन्द्रित छ । असोजको २४ गतेबाट औपचारिक खेल पोखरामा सुरु हुदैछ । नवौंको समारोह हिजोका दिनभन्दा राम्रो हुने कुरामा विश्वास दिलाउन चाहन्छु । नवौं राष्ट्रिय खेलकुदलाई सफल बनाउन सबैको सहयोगको अपेक्षा छ ।'
-1734842793.webp)
