लिभरपुलसँग रियल पराजित

लिभरपुल। लिभरपुलले च्याम्पियन्स लिगमा स्पेनिस जायन्ट रियल मड्रिडलाई १–० ले पराजित गरेको छ।

एनफिल्डमा भएको खेलमा एलेक्सिस म्याक अलिस्टरको दोस्रो हाफमा आएको हेडिङ गोल नै निर्णायक साबित भयो। उनले ६१औं मिनेटमा ट्रेन्ट एलेक्ज्यान्डर–अर्नोल्डको क्रसलाई नेटमा पठाउँदै घरेलु समर्थकहरूलाई खुसीले उफ्रिन बाध्य पारे।

रियलका स्टार स्ट्राइकर किलियन एमबाप्पे र भिनिसियस जुनियरलाई लिभरपुलको रक्षात्मक संयोजनले पूर्ण रूपमा रोक्न सफल भयो। दुवैले खेलभरि ठूला अवसर सिर्जना गर्न सकेनन्।

यो जितसँगै लिभरपुलले समूह चरणमा आफ्नो स्थिति बलियो बनाएको छ। प्रिमियर लिग च्याम्पियनका लागि यो सिजनको सबैभन्दा महत्त्वपूर्ण प्रदर्शनमध्ये एक मानिएको छ।