काठमाडौं । माल्दिभ्समा जारी साबा महिला बास्केटबल च्याम्पियनसिपमा नेपालले दोस्रो जित निकालेको छ ।
मालेमा बुधबार भएको खेलमा भुटानलाई हराउँदै नेपालले दोस्रो जित निकालेको हो ।
तुलनात्मक कमजोर टोली भुटानमाथि नेपालले ६५-२६ अंकको जित निकालेको हो ।
भुटानको भने यो लगातार दोस्रो हार हो ।
यस अघि नेपालले मंगलबार श्रीलंकालाई ५५-४९ ले हराएको थियो ।
त्यसअघि पहिलो खेलमा भने नेपाल आयोजक माल्दिभ्ससँग ५१-४७ ले पराजित भएको थियो ।
प्रतियोगितामा चार राष्ट्र सहभागी छन् । शीर्ष टोलीले उपाधि जित्नेछ ।
नेपालको उपाधि यात्रा भने अन्य टोलीको खेलमा निर्भर रहेको छ ।
अब श्रीलंका र माल्दिभ्स तथा माल्दिभ्स र भुटानबीच खेल हुन बाँकी रहेको छ ।
