पोखरा । पोखरामा जारी प्रथम खुला बास्केटबल प्रतियोगितामा सोमबार १४ खेल सम्पन्न भएका छन् ।
पुरुष १० र महिलाको ४ टिम गरि १४ टिमको खेल सम्पन्न भएको खेल संयोजक क्षेत्र बहादुर गुरुङले जानकारी दिए ।
सत्य युवा कल्व पोखरा १३ को बास्केटबल खेल मैदानमा भएको खेलमा पुरुषतर्फ विजयी हुने टिममा मर्दिखोला बि, ताङतिङ ए,कस्की बास्केटबल एसोसिएसन छन् । यस्तै महिला तर्फ भएको खेलमा विजयी हुने टिमहरुमा मर्दिखोला बि र मर्दिखोला ए बिजयी भएको संयोजक गुरुङले जनाए ।
प्रतियोगिता अन्तर्गत मंगलबार दुबै तर्फको सेमिफाइनल र फाइनल खेल हुनेछन् ।
राष्ट्रिय युवा सघं नेपाल मादि गाउँपालिका वडा न. २ कमिटिको आयोजनामा असोज १ गते बाट शुरु भएको खेलमा पुरुष र महिला गरि २७ टिमको सहभागिता रहेको छ ।
