काठमाडौं। एचएचसीएले चौथो केभीकेएसएस अन्तरविद्यालय बास्केटबल प्रतियोगितामा बिहीबार दोहोरो जित हात पारेको छ ।
सिनियर ब्वाइजमा एचएचसीएले आयोजक केभीकेएसएसलाई ३४–१४ ले पराजित गर्यो । जितमा पवन मगरले १७ अंक योगदान गरे । सिनियर गर्ल्समा पनि सरा घलेको ८ अंक सहयोगमा एचएचसीएले केभीकेएसएसलाई २०–८ ले हरायो ।
सिनियर ब्वाइजको अन्य खेलमा संस्कृतिले बागमतीलाई २९–८, रेडिअन्टले सिग्मालाई ३७–८, तिरुपतिले लिटिल फ्लावरलाई २८–९, एपेक्स लाइफले केभीकेएसएसलाई २९–२२, ग्रिनल्यान्डले क्लिन्टनलाई ५०–८ र लक्ष्मीपुरले काठमाडौं ग्लोबललाई ३२–१० ले पाखा लगाए ।
सिनियर गर्ल्समा भ्याली पब्लिकले क्लिन्टनलाई ३६–४ तथा पृथ्वीले टीआईएलाई ३४–४ ले पन्छाए ।
-1736300843.webp)
-1736300867.jpg)
-1736261934.jpeg)
