काठमाडौं । केभीकेएसएसले चौथो केभीकेएसएस अन्तरविद्यालय बास्केटबल प्रतियोगिताको सिनियर गल्र्समा बुधबार जित हात पारेको छ ।
धापासीस्थित घरेलु कोर्टमा केभीकेएसएसले रिलायन्सलाई १३–२ ले पराजित गर्यो । केभीकेएसएसकी सुष्मा आलेले ११ अंक जोडिन् ।
सिनियर गर्ल्समै वेन्डी हाउसले काठमाडौं ग्लोबललाई ९–२, तिरुपतिले क्लिनटनलाई २६–५ र पृथ्वीले लालीगुराँस नेसनल एकेडेमी (एलएनए) लाई ३२–६ ले हराए । वन्डीकी पवनी पाण्डेले ५, तिरुपतिकी किन्जुम सलाखाले १६ र पृथ्वीकी बबिता गुरुङले १२ अंक जोडे ।
ब्वाइजमा एन्जल्स हार्टले सिग्मालाई ११–४, किङडमले लक्ष्मीपुरलाई ४१–२६, वेन्डी हाउसले एसएस एकेडेमीलाई २७–१५, स्कोलर्स होमले एपेक्स लाइफलाई २६–१४ र रिलायन्स पब्लिकले बागमतीलाई २७–१५ ले पाखा लगाए ।
एन्जल्स हार्टका निकेश पुनले ६, किङडमका साङबु लामाले १८, वेन्डीका सचिन गुरुङले ८, स्कोलर्स होमका एलेन छन्त्यालले ८ र रिलायन्सका कुन्साङ शेर्पाले १२ अंक जोडे ।
-1736389050.jpg)
