काठमाडौं । नेपाल क्रिकेट इन्स्टिच्युटको आयोजनामा गत शनिबार देखि सुरु भएको शिक्षान्तर स्कुल दोस्रो इपिएस ड्रिजल कप क्रिकेट प्रतियोगिताको लिग चरणका खेलहरु सकिएको छ ।
लिग चरण अन्तर्गत मंगलबार भएको खेलमा एलआरआइले विराट स्कुललाई २ तथा संस्कृति बी लाई ५ विकेटले पराजित गर्यो । यससँगै एलआरआइ समूह बी को विजेता बन्दै क्वाटरफाइनलमा प्रवेश गर्यो ।
उक्त समूहबाट एलआरआइसँग पराजित भएको विराट स्कुलले संस्कृति बीलाई ६ विकेटले पराजित गर्दै समूह उप विजेताको रुपमा क्वाटरफाइनलमा स्थान बनायो ।
प्रतियोगितामा समूह ए बाट संस्कृति ए, बी बाट विराट बोर्डिङ र एलआरआई, सी बाट अक्षरा ए र न्यु इरा र डी बाट नाइटीङेल र अक्षरा बी ले क्वाटरफाइनलमा स्थान बनाएका छन ।
पहिलो क्वाटरफाइनल खेलमा संस्कृति ए ले न्यु इरालाई ७ विकेटले पराजित गर्यो । जितसँगै संस्कृति ए प्रतियोगिताको सेमिफाइनलमा पुग्ने पहिलो टोली बनेको छ ।
क्वाटरफाइनल चरणका अन्य खेलहरु अगामी शनिबार हुने आयोजकले जनाएको छ ।
प्रतियोगितामा काठमाडौं उपत्यकाका १२ विद्यालयहरुले सहभागिता जनाएका छन् । प्रतियोगिताको विजेताले १४ हजार ५ सय र उप विजेताले रु ८ हजार रुपैयाँसहित प्रमाण पत्र प्राप्त गर्नेछन् ।
प्रतियोगिताका उत्कृष्ट खेलाडीले ३ हजार ५ सय, उत्कृष्ट बलर र ब्याट्सम्यानले समान २ हजार १ सय रुपैयाँ प्राप्त गर्नेछन् । हरेक खेलका उत्कृष्ट खेलाडीलाई ५ सय रुपैयाँ प्रदान गरिने आयोजकले जनाएको छ ।
-1736389050.jpg)
