आर्मी क्वाटरफाइनलमा

काठमाडौं । नेपाल आर्मी प्रथम राष्ट्रिय खुला बास्केटबल प्रतियोगिताको पुरुषमा बुधबार क्वाटरफाइनलमा प्रवेश गरेको छ।

आयोजक नखिपोट युथ क्लबको हलमा आर्मीले कीर्तिपुरलाई १०१–८५ अंक ले पराजित गर्यो ।

जितसंगै आर्मी समूह ‘बी’ को विजेता बन्यो । आर्मीका लागि आयुश सिंहले ४४ अंक जोडे ।

पहिलो क्वाटरमा २६–२९ ले पछि परेको आर्मी बाँकीमा भने अगाडि रह्यो ।

अन्य क्वाटरमा आर्मीले क्रमशः २६–११, २२–२० र २७–२५ स्कोर गर्यो  ।