काठमाडौं । ललितपुर हाइ प्रथम राष्ट्रिय खुला बास्केटबल प्रतियोगिताको महिलामा मंगलबार फाइनलमा प्रवेश गरेको छ।
आयोजक नखिपोट युथ क्लबको हलमा भएको खेलमा ललितपुरले आईएसए नेपाललाई ५०–२६ ले पराजित गर्यो । ललितपुरका ममता गुरुङ र अस्मिता थापाले समान १३–१३ अंक जोडे ।
ललितपुर एक खेल अगावै फाइनलमा पुगेको हो । आईएसए नेपालको लगातार दोश्रो पराजयसंगै आयोजक नखिपोट पनि फाइनलमा पुग्न सफल भयो । ४ टिम सहभागी राउन्ड रोविन लिगमा अब ललितपुर र नखिपोटको खेलले समूह विजेता र उपविजेताको टुंगो लगाउने छ ।
पुरुषमा रोयलले कीर्तिपुरलाई ७७–६३ ले हरायो । रोयलका निकेश मगरले २६ स्कोर गरे । पहिलो क्वाटरमा १६–१० को अग्रता लिएको रोयलले अन्तिमसम्म अग्रतालाई कायम राख्यो । रोयलले दोश्रोमा २०–१४, तेश्रोमा १९–१८ र चौथोमा २२–२१ को प्रदर्शन गर्यो ।
