काठमाडौं । प्रिमियर र युरो पाँचौं बीआईबी कप अन्तरविद्यालय बास्केटबल प्रतियोगिताको ब्वाइजमा सोमबार सेमिफाइनलमा प्रवेश गरेका छन् ।
अत्तरखेलस्थित आयोजक बौद्ध इन्टरनेसनल स्कुलको कोर्टमा प्रिमियरले स्वर्णशिक्षालाई ५१-२१ ले पराजित गर्यो ।
प्रिमियरको जितमा प्रणय बासीले १९ अंक योगदान गरे । अभिनव थापाको २० अंक सहयोगमा युरोले न्यु बुद्ध प्रकाशलाई ४२-२८ ले हरायो ।
ब्वाइजमै बुद्ध एकेडेमी र नेमोनिकले पनि सेमिफाइनलमा स्थान सुरक्षित गरे । बुद्धले डाफोडिलमाथि ५४-१५ को सहज जित दर्ता गर्यो । विजेताका दीपक लामाले १५ स्कोर गरे ।
प्यारागन विरुद्धको खेलमा नेमोनिक ५१-४५ ले विजयी भयो । नेमोनिकका प्रवेश तामाङले २६ अंक बटुले ।
सेमिफाइनलमा नेमानिकको भेट युरोसंग हुने छ भने प्रिमियरले बुद्धको सामना गर्ने छ । गर्ल्सको क्वाटरफाइनल मंगलबार हुनेछ ।
-1736389050.jpg)
