काठमाडौं । नवौं ग्रिन्फिल्ड अन्तरविद्यालय बास्केटबल प्रतियोगितामा ग्रिन्ल्याण्डले विजयी सुरुआत गरेको छ ।
शुक्रबारबाट काठमाण्डौंमा शुरु भएको नवौं ग्रिनफिल्ड अन्तरविद्यालय बास्केटबल प्रतियोगिताको पहिलो दिन ग्रिन्ल्याण्डले विजयी शुरुवात गरेको हो ।
महिला विधा अन्तर्गत ग्रिन्ल्याण्डले आर्यलाई २१–१२ ले पराजित गरेको हो भने यसै विधाको अर्को खेलमा रेडीयन्टले ग्रिनफिल्डलाई २६–१६ ले पाखा लगाएको छ ।
यता पुरुषतर्फ ज्ञाननिकेतनले कान्तिपुरलाई ३८–२८,पुष्प सदनले बिग बुद्धलाई ३४–१९ र हर्टल्याण्डले गिनफिल्डलाई ४२–३८ ले पराजित गरेको छ ।
यसैगरी पुरुषतर्फकै अन्य खेलमा किङ्गडटमले नेपाल सेन्टरलाई ५०–४३ र नेरीकले न्यु जेनिथलाई ३४–१५ ले हराउन सफल भयो ।
प्रतियोगितामा सिनियर सिनियर बोइजतर्फ २३,जुनियर बोइजतर्फ १२ र गर्ल्समा ११ टोलीको सहभागिता रहेको छ ।
आजबाट शुरु भएको प्रतियोगिताको फाइनल खेल भदौ ३ गते हुनेछ ।
