अरहान्त र अमृतको जित
काठमाडौं । अरहान्त सिम्हा र अमृत थापा मगरले चौंथो संस्करणको धन लक्ष्मी महर्जन मेमोरियल राष्ट्रिय स्क्वास प्रतियोगितामा जित निकालेका छन् ।
सातदोबाटोस्थित स्क्वास कोर्टमा बुधबार पुरुष खुल्लातर्फ अरहान्तले गोपाल थापालाई ३-० र आभान श्रेष्ठलाई ३-० ले पराजित गरे ।
यस्तै अमृतले दिब्य बज्राचार्यलाई ३-० ले हराउदै प्रतियोगितामा आफ्नो दोस्रो जित हासिल गरेका छन् ।
पुरुष खुलातर्फ नै अमिर ब्लोनले राजेन्द्र शाक्यलाई ३-१ ले हराउन सफल भए भने दिपक थापाले उमित शाक्यलाई ३-१ ले पराजित गरे ।
महिला खुलातर्फ बिपना ब्लोनले अश्मिता नगरकोटीलाई ३-० ले हराउन सफल भए ।
ब्वाइज यू-१९ तर्फ पासाङ लामाले चेतन परियारलाई ३-०, सलिम थापाले रोहन नेपाललाई ३-२, गोपाल थापाले राकेश परियारलाई ३-० र बिकाश मगरले आभान श्रेष्ठलाई ३-० ले हराउन सफल भए ।
पुरुष मास्टर्स ५० वर्षमाथिको खेलमा धिर बहादुर पुनले लोकेन्द्र भण्डारीलाई ३-१, सुदिप सिंहले बिदुर धमलालाई ३-०, प्रज्वल प्रधानले मनोज श्रेष्ठलाई ३-० ले हराउन सफल भए।
धनलक्ष्मी महर्जन फाउन्डेसनले आयोजना गरेको प्रतियोगितामा पुरुष खुल्ला, महिला खुल्ला, मास्टर खुल्ला पुरुष ५० वर्ष भन्दा माथि, जुनियर ब्वाईज ओपन र प्लेट गरी ५ विधामा प्रतिस्पर्धा भईरहेको छ ।
पुरुषतर्फको विजेताले २५ हजार, उपविजेताले १५ हजार र तेस्रोले ९/९ हजार पाउने छन् ।
महिलातर्फ विजेताले १८ हजार, उपविजेताले ११ र तेस्रोले ७/७ हजार पाउने छन् ।
यस्तै जुनियरतर्फ विजेताले १० हजार, उपविजेताले ६ हजार र तेस्रोले ४/४ हजार पाउने छन् ।
