सुवास र सद्भाव भारत प्रस्थान

काठमाडौं । नेपालका दुई एमेच्योर गल्फर सुवास तामाङ र सद्भाव आचार्य भारतको बैंगलोर प्रस्थान गरेका छन् ।

बैंगलोरको तरुन सर्देसाई गल्फ एकेडेमीमा तीन महिनाको प्रशिक्षणका लागि नम्बर एक एमेच्योर खेलाडी सुवास र सद्भाव बिहीबार त्यसतर्फ प्रस्थान गरेका छन् ।

१३ औं सागमा दुई स्वर्ण विजेता सुवास राखेप र नेपाल ओलम्पिक कमिटिको सहयोगमा प्रशिक्षण लिन लागेका हुन् ।

सद्भाव भने आफ्नै खर्चमा भारत जान लागेका हुन् ।

भारतको प्रशिक्षणपछि दुबैले थाइल्याण्डमा आगामी अक्टोबरमा आयोजना हुने एसिया पासिफिक एमेच्योर च्याम्पियनसिपमा सहभगिता जनाउने छन् ।