खेल हारेपछि नयाँ बस्तीको 'उपद्रो'

काठमाडौं । नयाँ बस्ती युवा क्लबले शनिबार यस सिजनको बी डिभिजनको आफ्नो अन्तिम खेल खेल्यो । उसले अन्तिम खेलमा मध्यपुर युथ एसोसियसनलाई ३–१ ले नतिजा सुम्पियो । 

शनिबार खेल हारेपछि नयाँ बस्तीले एन्फा कम्प्लेक्स सातदोबाटोमा उपद्रो मच्चायो । खेल सकिएपछि क्लबका खेलाडी र अफिसियलले आफुहरु बस्ने स्थान तोडफोड गरेका छन् । 

उनीहरुले प्लेयर बक्सलाई तोडफोड गर्नुका साथै कुर्सी समेत भाँचेका थिए । 

नयाँ बस्ती रेलिगेशनबाट संघर्ष गरिरहेको छ । शनिबारको नतिजाले उसलाई रेलिगेशनमा पार्न सक्छ । 

सामाजिक युथ क्लब र टुसालले आईतबार अन्तिम खेलमा जित निकालेको खण्डमा नयाँ बस्ती रेलिगेशनमा पर्न सक्छ । 

नयाँ बस्तीको १५ अंक छ । एक खेल कम खेलेका सामाजिक युथ र टुसालको समान १४ अंक छ । झम्सिखेल ९ अंक सहित रेलिगेशनमा परिसकेको छ । 

लिगको अन्तिम खेलमा जित निकाल्दै ब्वाईज युनियन र मध्यपुर युथ रेलिगेशनबाट जोगिएका छन् ।