भुपेन्द्र पहिलो खेलमै पराजित

काठमाडौं । थाइल्यान्डको फुकेटमा जारी थाइल्यान्ड ओपन इन्टरनेसनल बक्सिङ च्याम्पियनसिपमा नेपालका भुपेन्द्र थापा मगर पराजित भएका छन् ।

आइतबार भएको पुरुष ६३ केजी तौल समूहमा भुपेन्द्र भियतनामका भू ताहना दत्तसंग अंकको आधारमा पराजित भए ।

अब चार नेपाली महिला खेलाडीहरुको खेल बाँकी रहेको छ । पुनम रावल बाइ पाएर सेमिफाइनलमा प्रवेश गरी कास्य पदक पक्का गरेकी छन् ।

पुनमले अप्रिल ५ मा हुने सिंगापुर र फिलिपिन्सबीचको विजेतासंग सेमिफाइनलमा प्रतिस्पर्धा गर्ने छिन् ।

महिला केजीमा नेपालकी सुस्मा तामाङ र इटालीकी रोबेरता बोनात्तीसंग अप्रिल ४ मा क्वाटरफाइनलको प्रतिष्पर्धा हुने छ । महिला ५१ केजीमा नेपालकी मिनु गुरुङले पनि बाई पाएर क्वार्टरफाईनलमा प्रवेश गरेकी छन् ।

अप्रिल ५ मा मिनुको प्रतिस्पर्धा थाइल्यान्ड र भारतबीचको खेलको विजेतासंग हुने छ ।