मादी मनकामना भलिबल कप भोलिबाट

पोखरा । दोस्रो संस्करणको मादी मनकामना कप भलिबल प्रतियोगिता बिहिबार (भोलि) बाट आयोजना हुने भएको छ

कास्कीको मादी गाउँपालिकास्थित मादी मनकामना यूवा क्लबको २६ औं स्थापना दिवसका अवसरमा आयोजना हुने खुल्ला वडा स्तरीय भलिबल प्रतियोगिता चैत ५ गते सम्म चल्ने छ।

प्रतियोगिता विजेताले नगद  ५० हजार ५ सय ५५ सहित मेडल र प्रमाणपत्र प्राप्त गर्ने छ । उपविजेता टिमले ३० हजार ५ सय ५५ रुपैयाँ प्राप्त गर्ने प्रतियोगिता संयोजक विरेन्द्र थापामगरले जानकारी दिए ।  प्रतियोगितामा २५ टिमको सहभागिता रहने आयोजकले जनाएको छ ।

प्रतियोगितामा छेलो प्रतियोगिता समेत समावेश गरिएको छ । छेलो खेल विजेताले नगद ५ हजार प्राप्त गर्ने संयोजक थापामगरले जानकारी दिए । प्रतियोगिताबाट ५ लाख आम्दानी हुने र ४ लाख रुपैयाँ खर्च हुने आयोजकको अनुमान रहेको छ ।