काठमाडौं । अफगानिस्तानका ब्याट्सम्यान रहमानउल्लाह गुरबाजले भारतीय क्रिकेट लिग इण्डियन प्रिमियर लिग (आईपीएल) खेल्ने भएका छन् ।
आईपीएलको नयाँ टिम गुजरात टाईटन्सले इंग्ल्याण्डका जासन रोयको स्थानमा गुरबाजलाई अनुबन्धन गरेको हो ।
गुरबाज आईपीएल खेल्ने तेस्रो अफगानिस्तानी खेलाडी हुने छन् । यसअघि मोहमद नाबी र राशिद खानले आईपीएल खेल्दै आएका थिए ।
गत महिना सम्पन्न आईपीएल अक्सनमा भने गुरुबाजलाई अनुबन्धन गर्न कुनै टिम इच्छुक देखिएका थिएनन् ।
२० वर्षीय उनलाई न्युनतम मुल्य ५० लाख भारतीय मूल्यमा गुजरातले लिएको हो । अक्सनमा २ करोड भारतीय मुल्यमा बिक्रि भएका रोय अनिश्चित समयको लागि विश्राम लिएपछि गुरुबाजले मौका पाएका हुन् ।
गुजरात आउने संस्करणको नयाँ टिम हो । आईपीएलले आउने संस्करणको लागि दुई नयाँ टिम थप्दै १० सहभागी टिम पुर्याएको हो ।
गुरुबाजले नेपालमा आयोजना भएको एभरेष्ट प्रिमियर लिग (ईपीएल) को गत संस्करण काठमाडौं किङ्स इलाभेनबाट खेलेका थिए ।
