एसियन युथ बक्सिङः इन्द्र पनि पराजित

काठमाडौं । जोर्डनको अम्मानमा जारी एएसबीसी एसियन युथ बक्सिङ च्याम्पियनशीपमा नेपालका इन्द्र बहादुर सुनार पराजित भएका छन् ।

सोमबार राती भएको पुरुषको ६० केजीतर्फको क्वाटरफाइनलमा इन्द्र पराजित भएका हुन् ।

इन्द्र कीर्गिस्तानका ओरोजबेकोभ अल्माजसँग पराजित भए । 

यस अघि इन्द्र पहिलो चरणमा बाई पाउदै क्वाटरफाइनल प्रवेश गरेका थिए । 

यससँग नेपालको च्याम्पियनशीपको यात्रा टुंगिएको छ । 

यस अघि पुरुषको ५४ केजीतर्फ छिरिङ वान्ग्दी शेर्पा उज्बेकिस्तानका अब्दुभाली बुरीबोएभसँग पराजित भएका थिए । 

त्यसैगरी महिलाको ५२ केजीतर्फ स्वस्तिका तिरुवा भारतीय खेलाडी याकसिकासँग पराजित भएकी थिईन् ।