​ आईपीएलमा सन्दीप अनसोल्ड

काठमाडौं । नेपाली राष्ट्रिय क्रिकेट टिमका कप्तान तथा लेग स्पिनर सन्दीप लामिछाने इन्डियन प्रिमियर लिग (आईपीएल) टी-ट्वान्टी क्रिकेटको मेगा अक्सनमा अनसोल्ड भएका छन् ।

बैंगलोरमा जारी आईपीएलको अक्सनमा सन्दीप अनसोल्ड भएका हुन् । नेपाली क्रिकेटका ग्लोबल आइकन सन्दीपलाई कुनैपनि टिमले बोलि लगाएनन् ।

अक्सनमा सन्दीपको न्युनतम मूल्य ४० लाख भारु रहेको थियो ।

सन्दीपले यस अघि तीन सिजन दिल्ली क्यापिटल्सबाट आईपीएल खेलेका थिए ।

दिल्लीले सन्दीपलाई सन् २०१८ को अक्सनमा न्युनतम मूल्य २० भारुमा अनुबन्ध गरेको थियो । र, सन्दीप आईपीएल खेल्ने पहिलो नेपाली खेलाडी बनेका थिए ।

सन्दीपले तीन सिजनमा कुल ९ खेलमा १३ विकेट लिएका थिए ।

सन्दीप २०२१ को अक्सनमा समेत बिकेका थिएनन् ।

हाल सन्दीप नेपाली टोलीको कप्तानी गर्दै विश्वकप छनोटका लागि ओमानमा रहेका छन्  ।