उज्वेकिस्तानलाई हराउँदै नेपाल च्याम्पियन

काठमाडौं ।  नेपालले एसियन सिनियर सेन्ट्रल जोन पुरुष तथा महिला भलिबल च्यालेन्ज कप अन्तर्गत महिलातर्फको उपाधि जितेको छ ।

बंगलादेशको ढाका मंगलबार उज्वेकिस्तानलाई ३-२ को सेटमा हराउँदै नेपाल च्याम्पियन बनेको हो ।

मिरपुरस्थित शाहिद शुरवार्दी इन्डोर स्टेडियममा नेपालले पहिलो सेट २६-२४ ले जितेको थियो ।

दोस्रो सेटमा उज्वेकिस्तान २६-२४ ले विजयी भयो । तेस्रो सेट नेपालले २५-१५ ले जित्यो । चौंथो सेट उज्वेकिस्तानले २५-२२ ले जित्दै खेल २-२ को अवस्थामा पुर्राए ।

त्यसपछि पाँचौं सेट १५-१० ले आफ्नो बनाउँदै नेपालले उपाधि रक्षा गरेको हो ।

यससँगै नेपाल अपराजित रहदै च्याम्पियन बनेको हो ।

यस्तै सेन्ट्रल जोनको महिलातर्फ नेपाल लगातार दोस्रो पटक च्याम्पियन बनेको हो ।

नेपालको यो दोस्रो अन्तराष्ट्रिय उपाधि समेत हो ।

पुरुषतर्फ नेपाल चौंथो स्थानमा रह्यो । 

तेस्रो स्थानका लागि भएको खेलमा नेपाल उज्वेकिस्तानसँग ३-० को सेटमा पराजित भयो ।