न्युजिल्याण्डले यू-१९ विश्वकप नखेल्ने

काठमाडौं । न्युजिल्याण्डले  आईसीसी यू-१९ पुरुष एकदिवसीय विश्वकप क्रिकेट नखेल्ने भएका छन् ।

न्युजिल्याण्डले वेस्ट इन्डिजमा आयोजना हुने विश्वकपबाट नाम फिर्ता लिएको छ ।

कोरोना महामारीको कारण घर फर्किएपछि अनिवार्य रुपमा क्वारेन्टिनमा बस्नु पर्ने भएपछि न्युजिल्याण्डले विश्वकपबाट मान फिर्ता लिएको बताईएको छ ।

न्युजिल्याण्डको अनुपस्थितिमा अब स्कटल्याण्डले विश्वकप खेल्नेछ ।

अन्तराष्ट्रिय क्रिकेट परिषद् (आईसीसी) ले १४ औं संस्करणको विश्वकप २०२२ को जनवरी १४ देखि फेब्रुअरी ५ सम्म आयोजना हुने जनाएको छ ।

वेस्ट इन्डिजले पहिलो पटक यू-१९ विश्वकप आयोजना गर्न लागेको हो ।

प्रतियोगितामा १६ राष्ट्रले प्रतिस्पर्धा गर्ने छन् ।

आईसीसीले सहभागी राष्ट्र चार समूहमा विभाजन गरेको छ ।

समूह 'ए' मा बंगलादेश, इंग्ल्यान्ड, क्यानडा र युएई रहेको छ ।

समूह 'बी' मा भारत, आयरल्याण्ड,दक्षिण अफ्रीका र युगान्डा रहेको छ ।

समूह 'सी' मा अफगानिस्तान,पाकिस्तान, पपुवा न्युगिनी र जिम्बावे रहेको छ ।

त्यस्तै समूह 'डी' मा अष्ट्रेलिया, स्कटल्याण्ड, श्रीलंका र वेस्ट इन्डिज रहेको छ ।

उद्घाटनमा आयोजक वेस्ट इन्डिज र अष्ट्रेलिया भिड्ने छन् ।