कुशलको वरीयता खस्कियो

काठमाडौं । आईसीसी टी–ट्वान्टी क्रिकेटको ब्याटिङ वरीयतामा नेपाली ब्याट्सम्यान कुशल भुर्तेलको वरीयता खस्किएको छ ।

आईसीसीले अपडेट गरेको नयाँ वरीयता अनुसार कुशलको वरीयता एक स्थान खस्किएको हो ।

कुशल नयाँ वरीयताको ५८ औं स्थानमा रहेका छन् । यस अघि कुशल ५७ औं स्थानमा थिए ।

ब्याटिङतर्फ नेपालका पूर्व कप्तान पारस खड्का भने ९५ औं स्थानमा उक्लिएका छन् ।  

यस्तै वर्तमान कप्तान ज्ञानेन्द्र मल्ल ९९ औं स्थानमा रहेका छन् ।  

बलिङतर्फ लेग स्पिनर सन्दीप लामिछाने ८७ औं स्थानमा उक्लिएका छन् । उनी यस अघि ८८ औं स्थानमा रहेका थिए ।