बाँसवारी क्लब भवनको माथिल्लो तल्लाको उद्घाटन

काठमाडौं । बाँसवारी क्लब भवनको माथिल्लो तल्लाको उद्घाटन भएको छ ।

पूर्व उप–प्रधानमन्त्री ईश्वर पोखरेलले शनिबार क्लब भवनको नव–निर्मित माथिल्लो तल्लाको उद्घाटन गरेका छन् ।

बागमती प्रदेश काठमाडौं क्षेत्र नम्बर ५ (२)का प्रदेश सांसद दिपक निरौलाको सिफारिसमा प्रदेशको पूर्वाधार विकास कार्यक्रम अन्तर्गत प्राप्त रकमबाट भवन निर्माण भएको हो ।

करिब २५ लाख रुपैयाँको लागतमा माथिल्लो भवन निर्माण भएको क्लबले जनाएको छ ।

एमाले नेता पोखरेलले शनिबार एक औपचारिक कार्यक्रमका बीच नव निर्मित माथिल्लो तल्लाको उद्घाटन गरे ।

बाँसवारी क्लबले घरेलु खेलकुदमा बी डिभिजन लिग खेल्दै आएको छ ।

काठमाडौं महानगर अन्तर्गत वडा नम्बर ३ मा रहेको बाँसवारीले सामाजिक कार्यसँगै फुटबललाई समेत अघि बढाईरहेको छ ।

क्लबले घरेलु फुटबलको बी डिभिजन लिगमा हरेक वर्ष बलियो उपस्थिती जनाउदै आएको छ ।