काठमाडौं । नेपाल माचुसिमा क्योकुसिन कराते संघले आयोजना गरेको ग्रेडिङमा १० जना उत्तीर्ण भएका छन् । ग्रेडिङमा सहभागी सबै उत्तीर्ण भएका हुन् ।
उत्तीर्ण सबै ब्ल्याक वेल्ट पहिलो डानमा पदोन्नती भएको संघका अध्यक्ष राजकुमार गुरुङले जनाएका छन् ।
गुरुङले नै सञ्चालन गरेको ग्रेडिङमा उत्तीर्ण हुनेहरुमा विक्रम मगर, समिर खड्गी, सन्जु तामाङ, सनम मोर, ईश्वर ओली, प्रकाश गाहा मगर, रामु थाकुर, सुस्मिता सुनार, प्रकाश कुँवर र बुद्ध दनुवार रहेका छन् ।
उनीहरुलाई अध्यक्ष गुरुङ, आयोजक संघका सचिव सुमन गजुरेल, सदस्य रामराज थापा, प्रमुख प्रशिक्षक सन्तोष बुढाथोकीलगायतले कीर्तिपुरमा आयोजित एक कार्यक्रमबीच शनिबार प्रमाण पत्र प्रदान गरे ।
उत्तीर्ण हुनेलाई जापानको टोकियोस्थित माचुसिमाको मुख्यालय गुम्मा केनबाट प्राप्त प्रमाण पत्र र पेटी प्रदान गरिएको संघले जनाएको छ ।
