काठमाडौं । नेपाल टुरिजम कप गल्फ प्रतियोगिता आयोजना हुने भएको छ ।
नेपाल गल्फ संघले शुक्रबार पत्रकार सम्मेलनको आयोजना गर्दै प्रतियोगिता सेप्टेम्बर २७ देखि २९ सम्म आयोजना हुने जनाएको छ ।
पर्यटन दिवसको अवसरमा आयोजना हुने प्रतियोगिता गोकर्ण गल्फ क्लबमा हुनेछ ।
प्रतियोगितामा महिला र पुरुषमा कुल ८० जना गल्फरको सहभागिता रहने संघले जनाएको छ ।
स्टेबल फर्म्याटमा हुने प्रतियोगिता दुई भागमा आयोजना हुनेछ ।
सुरुआतको दुई दिन नेपालमा रहेका ५ गल्फ कोर्षबीच टिम इभेन्टमा प्रतिस्पर्धा हुनेछ । प्रतियोगिताको अन्तिम दिन भने ओपन गल्फ प्रतियोगिता हुनेछ ।
विजेता खेलाडीलाई ट्रफीसहित गिफ्ट ह्याम्पर प्रदान गरिने संघले जनाएको छ ।
यस्तै होल नम्बर १० मा 'होल इन वन' गर्नेले कोया सोनेट पुरस्कार प्राप्त गर्नेछन् ।
