पदक विजेता बक्सिङ टोली स्वदेश फिर्ता

काठमाडौं । दुबईमा आयोजना भएको एएसबीसी युथ तथा जुनियर बक्सिङ च्याम्पियनसिपमा सहभागिता जनाएर नेपाली बक्सिङ टोली स्वदेश फर्किएका छन् ।

च्याम्पियनसिपमा सहभागिता जनाएर ६ खेलाडीसहित १२ सदस्यीय नेपाली टोली मंगलबार स्वदेश फर्किएका हुन्।

च्याम्पियनसिपमा नेपालका तीन खेलाडीले कास्य पदक जितेका थिए ।

नेपालका छिरिङ वाङदी शेर्पाले जुनियर पुरुषको ५४ केजी तौल समूहमा कास्य जितेका थिए ।

यस्तै स्वस्तिका तिरुवाले महिला ५० केजी तौल र नारीका राईले ५७ केजी तौल समूहमा कास्य पदक हात पारेकी थिइन् ।  

नेपाली टोलीलाई बक्सिङ संघका अध्यक्ष राम अवाले लगायत संघका पदाधिकारीले त्रिभुवन अन्तराष्ट्रिय विमानस्थलमा स्वागत गरेका थिए ।