छिरिङ कास्यमै सिमित

काठमाडौं । दुबईमा जारी एएसबीसी युथ तथा जुनियर बक्सिङ प्रतियोगितामा नेपालका छिरिङ वाङदी शेर्पाले कास्य पदकमै चित्त बुझाएका छन् ।

जुनियर पुरुषको ५४ केजी तौल समूहमा मंगलबार भएको सेमिफाइनलमा कजाकिस्तानका खेलाडी एडाईबेक नियाजबेसँग पराजित भएपछि छिरिङले कास्यमै चित्त बुझाएका हुन् । छिरिङ कजाकिस्तानका खेलाडीसँग तेस्रो राउण्डमा पराजित भए ।

यस अघि  छिरिङले क्वाटरफाइनलमा कुवेतका मोहमेद एलेनेजीलाई ५-० ले पराजित गर्दै सेमिफाइनलमा स्थान पक्का गरेका थिए ।

प्रतियोगितामा नेपालबाट ६ खेलाडीले सहभागिता जनाएका छन् ।

 नेपालका दुई महिला खेलाडी नारीका राई र स्वस्तिका तिरुवाले पनि कास्य जितेका छन् ।