काठमाडौं । महान बक्सर मोहम्मद अलीका नाती निको अली वाल्सले पहिलो व्यवसायिक बक्सिङमा जित निकालेका छन् ।
टेक्सासमा शनिबार राति निको अलीले अमेरिका जोर्डन विक्सलाई नकआउट गर्दै व्यवसायिक बक्सिङमा डेब्यु गरेका हुन् ।
२१ वर्षीय निकोले पहिलो राउण्डमै जोर्डनलाई नकआउट गरेका थिए ।
निको महान बक्सर मोहम्मदका छोरी राशिदा अलीका छोरा हुन् ।
जितपछि निकोले आफ्ना हजुरबुबालाई श्रदान्जली दिएका थिए ।
पूर्व बक्सिङ हेभीवेट च्याम्पियन मोहम्मद अलीको २०१६ मा ७४ वर्षको उमेरमा निधन भएको थियो ।
