चन्द सेन्ट्रल एसियन भलिबलको कोषाध्यक्ष नियुक्त
आइतबार, असार २०, २०७८खेलपाटी संवाददाता
काठमाडौं । नेपाल भलिबल संघ (एनभीए) का महासचिव जितेन्द्र बहादुर चन्द सेन्ट्रल एसियन भलिबल एसोसिएसन (सीएभीए) को कोषाध्यक्ष नियुक्त भएका छन् ।
महासचिव चन्द आगामी चार वर्षको लागि सीएभीएको कोषाध्यक्ष नियुक्त भएका हुन् ।
सीएभीएका अध्यक्ष मोहमम्द लातिफले एक पत्र पठाउदै चन्दलाई कोषाध्यक्ष चयन गरिएको बताएका छन् ।
पत्रमा सेन्ट्रल जोनल नेशनल फेडेरेसनहरुको निर्णयले चन्दलाई कोषाध्यक्षमा नियुक्त गरिएको उल्लेख छ ।
