फाइनलमा एसपीए र दुर्गालक्ष्मी भिड्ने

धनगढी । धनगढीमा जारी मेयर एसपिए कप भलिबल प्रतियोगिताको उपाधिका लागि आयोजक सुदूरपश्चिमाञ्चल एकेडेमी एसपीए र अत्तरियाको दुर्गालक्ष्मी मावि भिड्ने भएका छन् ।

सुदूरपश्चिमाञ्चल एकेडेमीको आयोजना तथा धनगढी उप–महानगरपालिकाको सहयोगमा भईरहेको छात्रा भलिबल प्रतियोगिताको उपाधिका लागि धनगढीको एसपीए र अत्तरियाको दुर्गालक्ष्मी भिड्ने भएका हुन् ।

शुक्रबार भएको पहिलो सेमिफाईनलमा दुर्गालक्ष्मी माविले दिपेन्द्र चारपाते माविलाई हरायो । दुर्गालक्ष्मीले दिपेन्द्र चारपातेमाथि २८–३०, २५–२१, २५–१२ र २५–२१ को सेटमा किनारा लगायो । दोस्रो सेमिफाईनल खेलमा एसपीएले शान्ति माविलाई सोझो सेटमा किनारा लगायो ।

एसपीएले शान्ति माविमाथि २५–१९, २५–९ र २६–२४ को जित निकाल्यो ।

मेयर एसपिए कप भलिबल प्रतियोगिताको उपाधिका लागि एसपिए र दुर्गालक्ष्मी शनिबार प्रतिस्पर्धा गर्नेछन । त्यसैगरी तेस्रो स्थानका लागि शान्ति मावि र दिपेन्द्र चारपाते मावि खेल्नेछन ।