काठमाडौं । प्रगतिशील युवा क्लब अफ देभानले सहिद दल बहादुर र जन दुर्गा सुबेदी स्मृति कप जिल्ला स्तरीय पुरुष भलिबल प्रतियोगिताको उपाधि जितेको छ ।
सिन्धुली दोभानटारमा आइतबार भएको फाइनलमा प्रगतिशील युवा क्लबले बाहुन तिलपुङलाई सोझो सेटमा पराजित गर्दै उपाधि जितेको हो ।
उपाधि जित्ने क्रममा प्रगतिशील युवा क्लबले बाहुन तिलपुङलाई २५–१२, २५–१३ र २५–१८ को सेटमा पराजित गर्यो ।
तेस्रो स्थानका लागि भएको खेलमा सुनौलो युवा क्लबले खुर्काेट राताटारविरुद्ध ३–१ को सेटमा जित निकाल्यो ।
सुनौलो युवा क्लबले पहिलो सेट २१–२५ मा गुमाएपनि दोस्रो तेस्रो र चौंथो सेट २५–२२, २५–२३ र २५–१९ ले आफ्नो बनायो ।
उपाधिसँगै प्रगतिशील युवा क्लबले ५० हजार, उपविजेताले २५ हजार शिल्ड मेडल र प्रमाणपत्र प्राप्त गरे ।
प्रगतिशील युवा क्लब अफ देभानको आयोजनामा भएको प्रतियोगिताको व्यक्तिगत विधातर्फ प्रगतिशील युवा क्लबका उत्कृष्ट स्पाइकर मनिष चौहान, सर्भर सुजन चौहान, लिफ्टर रुपेश बस्नेत र डिफेन्स सुनौलो युवा क्लबका इन्द्र सुनुवार चुनिए ।
सर्वाेत्कृष्ट खेलाडी प्रगतिशील युवा क्लबका सरोज हायु चुनिए ।
सर्वाेत्कृष्ट र उत्कृष्ट खेलाडीले जनही १–१ हजार प्राप्त गरे ।
