मुख्यमन्त्री कप : तनहुँ र कास्की क्वाटरफाइनलमा

पोखरा । तनहुँ र कास्की मुख्यमन्त्री कप भलिबल प्रतियोगितामा प्रतियोगिता अन्तर्गत महिलातर्फ क्वाटरफाइनलमा प्रवेश गरेका छन् ।

पोखरा रंगशालामा बुधबार भएको खेलमा तनहुँले बागलुङलाई २–१ को सेटमा पराजित गर्दै क्वाटरफाइनलमा प्रवेश गरेको हो ।

तनहुँले बागलुङमाथि २०–२५, २५–१० र २५–१८ को सेटमा जित निकाल्यो । जितसँगै तनहुँले ६ अंक जोडेको छ ।

तनहुँ समूह बी को विजेता बन्दै क्वाटरफाइनल पुगेको हो ।

यस्तै बागलुङले लमजुङलाई २८–२५ र २५–६ को सोझो सेटमा पराजित गरेको छ । जितसँगै बागलुङले ३ अंक जोडेर उपविजेता बन्दै क्वाटरफाइनल पुगेको छ ।

यसैगरी महिलातर्फको अर्काे खेलमा कास्कीले मुस्ताङलाई २५–११ र २५–७ को सोझो सेटमा हरायो ।

जितसँगै ३ अंक जोडेको कास्की समूह विजेता बन्दै क्वाटरफाइनल पुगेको हो ।

यस्तै पुरुषतर्फको पहिलो खेलमा म्याग्दीले बाग्लुङलाई २१–२५, २५–१७ र १७–२५ को सेटमा पराजित गर्यो ।

यस्तै म्याग्दीले लमजुङलाई २५–१३ र २५–१४ को सोझो सेटमा पराजित गरेको छ ।

जितसँगै म्याग्दीले ६ अंक जोडेको छ ।

पर्वतले तनहुँलाई २–१ को सेटमा जित निकाल्दै क्वाटरफाइनल प्रवेश गरेको हो ।

पर्वतले तनहुँविरुद्द २४–२६, २५–१७ र २५–१६ को सेटमा जित निकाल्यो ।

यस्तै पर्वतले मुस्ताङलाई २५–९ र २५–१३ को सोझो सेटमा हराएको छ । जितसँगै पर्वतले ६ अंक जोडेको छ । तनहुँले ३ अंक जोडेको छ ।

प्रतियोगिताको पुरुषतर्फको अन्तिम खेलमा लमजुङ विरुद्द बागलुङले १५–२५, २६–२४ र १५–२५ को सेटमा हरायो । जितसँगै बागलुङले ३ अंक जोडेको छ ।

यस्तै गोरखाबाट वाकओभर पाएको नवलपुर सिधै क्वाटरफाइनलमा प्रवेश गरिसकेको छ ।

प्रतियोगिताको विजेता महिला र पुरुष टोलीले समान २–२ लाख र ट्रफी पुरस्कार प्राप्त गर्नेछन् भने उपविजेताले १–१ लाख पुरस्कार प्राप्त गर्ने आयोजकले जनाएको छ ।

तेस्रो हुने टोलीले समान ५० हजार प्राप्त गर्ने छन् ।

प्रतियोगिताको सर्वोकृष्ट खेलाडी, उत्कृष्ट सेटर, डिफेण्डर, स्पाइकर र लिफ्टरले ५–५ हजार पाउने छन् ।