काठमाडौं । नेपाल राष्ट्रिय तथा अन्तराष्ट्रिय खेलाडी संघ (एनएनआईपीए) ले आयोजना गर्ने एनएनआईपीए स्पोर्टस अवार्डलाई प्लाजा होटल ग्रुपले प्रायोजन गरेको छ ।
खेलाडी संघले बुधबार प्लाजा होटल ग्रुपसँग दुई वर्षे प्रायोजन सम्झौतामा हस्ताक्षर गरेको छ ।
खेलाडी संघका अध्यक्ष दीपक श्रेष्ठ र प्लाजा होटल ग्रुपका प्रबन्ध निर्देशक युवराज श्रेष्ठले सम्झौता पत्रमा हस्ताक्षर गरे ।
सम्झौतासँगै प्लाजा होटल अवार्डको हस्पिटालिटी पार्टनरको रुपमा रहनेछ ।
एनएनआईपीए स्पोर्टस अवार्ड आगामी फागुन ८ गते मध्यपुर ठिमी नगरपालिकाको निगु पुखुमा हुनेछ ।
संघले यसपटक अवार्डमा राइजिङ प्लेयर अफ दि इयर अवार्ड विधा थप गरिएको जानकारी दिएको छ ।
यस विधालाई स्काई ब्रान्डले प्रायोजन गर्ने पत्रकार सम्मेलनमा जानकारी दिईयो । जनही ५० हजार रुपैयाँ पुरस्कार राशीको विधाबाट एक महिला र पुरुष खेलाडी सम्मानित हुने बताईएको छ ।
गत वर्ष खेलाडीले गरेको प्रर्दशनका आधारमा सम्बन्धित संघले गरेको सिफारिसका आधारमा विभिन्न खेलका खेलाडीलाई एनएनआईपीए वर्षको उत्कृष्ट खेलाडी अवार्डबाट सम्मानित गरिदै आएको छ ।
सम्मानित खेलाडीले जनही १० हजार रुपैयाँ प्राप्त गर्दै आएका छन् ।
यस्तै, सर्वोकृष्ट महिला र पुरुष खेलाडीलाई जनही १ लाख रुपैयाँ सहित संघले सम्मान गर्दै आएको छ ।
अवार्डमा १३ औं दक्षिण एसियाली खेलकुद सागमा समावेश भएका खेलाडीलाई समावेश गरिएको आयोजक खेलाडी संघले जनाएको छ ।
संघको सिफारिस उत्कृष्ट घोषित हुने खेलाडी बाहेक अन्य विधाको विजेताका छनोट दीपक विष्ट संयोजकत्वको छनोट समितिले चयन गर्ने आयोजक संस्थाले जनाएको छ ।
अवार्ड कार्यक्रममा एक जना खेलकर्मीलाई गजराज जोशी आदर्श खेलाडी र एक जना खेल पत्रकार वा फोटो पत्रकारलाई एनएनआइपीए खेल पत्रकारिताबाट पुरस्कृत गरिने खेलाडी संघले पत्रकार सम्मेलनमा जानकारी दिएको छ ।
-1736692535.jpeg)
-1736646447.jpg)
