काठमाडौं । पहिलो संस्करणको पीएचसीए ओपन सुर्योदय एसईई ३ बाइ ३ बास्केटबल कप माघको पहिलो साता आयोजना हुने भएको छ ।
आयोजक सुर्योदय एजिकेसन फाउन्डेसनले बुधबार पत्रकार सम्मेलनको आयोजना गर्दै प्रतियोगिता माघ १ देखि ३ गतेसम्म आयोजना हुने जनाएको छ ।
डिल्लीबजारस्थित विद्यालयको प्रागणमा आयोजना हुने प्रतियोगितामा महिला र पुरुष गरी ४८ बढी विद्यालयको सहभागिता रहेको छ ।
पुरुषतर्फ ३२ टिम र महिलातर्फ १६ टिमको सहभागिता रहेको छ ।
प्रतियोगिताको पुरुषतर्फको विजेताले २० हजार प्राप्त गर्ने छन् । उपविजेताले १० हजार र तेस्रोले ५ हजार पाउने छन् ।
महिलातर्फको विजेताले १५ हजार, उपविजेताले ८ हजार र तेस्रोले ४ हजार पाउने छन् ।
यस्तै मोस्ट भ्यालुएबल प्लेयर, हाई स्कोररले समान २/२ हजार पाउने छन् ।
प्रतियोगितामा कक्षा ८ देखि ११ सम्मका विद्यार्थीले खेल्न पाउने छन् ।
प्रतियोगिताको लागत ३ लाख १२ हजार रहेको आयोजकले जनाएको छ ।
कोरोनाको कारण मानसिक तनावमा परेका विद्यार्थीलाई तनावबाट मुक्त गराउन प्रतियोगिता आयोजना गरिएको फाउन्डेसनका अध्यक्ष लक्ष्य बहादुर केसीले जानकारी गराए ।
यस्तै प्रतियोगिता हरेक वर्ष आयोजना गरिने बताईएको छ ।
-1732413260.jpg)
