कोरोनाले प्रभावित जुडोको प्रशिक्षण सुरु

काठमाडौं । कोरोना भाईरसको महामारीले प्रभावित बनेको जुडो खेलको प्रशिक्षण मंगलबार सुरु भएको छ ।

काठमाडौं नयाँ बजारस्थित बहुउद्धेश्यीय मार्सल आर्ट्स केन्द्रमा जुडोको प्रशिक्षण सुरु भएको हो ।

संघका महासचिव धर्मकुमार श्रेष्ठले कोरोनाले प्रभावित बनेको जुडोको प्रशिक्षण मंगलबार औपचारिक रुपमा सुरुवात गरिएको खेलपाटीलाई बताए ।

‘कोरोनापछि प्रशिक्षण बन्द थियो । प्रशिक्षणलाई अब सुरु गरौ भन्ने उद्धेश्यले सुरु गरेका हौं ।’ उनले भने ।

महासचिव श्रेष्ठका अनुसार राष्ट्रिय खेलकुद परिषद् (राखेप) र स्थानीय तहसंगको सहमतीमा जुडोको प्रशिक्षण सुरु गरिएको हो ।

‘जुडोमा लक्ष्य राखेर खेल्ने खेलाडी पनि छन् । छनोट खेलको तयारी गर्नेहरु पनि छन् । प्रतियोगितालाई लक्षित गरेर तयारी हुन खोज्ने खेलाडीलाई केन्द्रित गरेर प्रशिक्षण सुरु गरेका हौ ।’ श्रेष्ठले भने ।