उपेन्द्रमान विश्वकप छनोट खेलको संयोजक

काठमाडौं । अखिल नेपाल फुटबल संघ (एन्फा)ले उपाध्यक्ष उपेन्द्रमान सिंहलाई विश्वकप छनोट खेलको संयोजकको जिम्मेवारी दिने निर्णय गरेको छ ।

बिहिबार एन्फा केन्द्रिय कार्यालयमा बसेको कार्यसमिति बैठकले उपाध्यक्ष सिहकाे संयोजकत्वमा विश्वकप छनोटको खेल सञ्चालन गर्ने निर्णय गरेको हो ।

एन्फाले एजेण्डाको रुपमा विश्वकप छनोट प्रतियोगिताको तयारी गर्न राष्ट्रिय टिमको प्रशिक्षण तथा मैत्रिपूर्ण खेलका सहभागीता तथा आयोजनाका सम्बन्धमा छलफल गरेको थियो ।

बैठकले उपाध्यक्ष सिहलाई संयोजक र कार्यसमिति सदस्य विजय घलेलाई स्थानीय संयोजकको जिम्मेवारी दिएको छ ।

बैठकले दुवैको नाम सर्वसम्मतले अनुमोदन गरेको हो ।

नेपालले विश्वकप छनोट अन्तर्गत घरेलु मैदानमा तीन खेल खेल्न बाँकी छ । कोरोनाका कारण छनोट प्रतियोगिता प्रभावित बनेको छ ।

नेपालले घरेलु मैदानमा अष्ट्रेलिया, चाईनिज ताईपे र जोर्डनसंग खेल्न बाँकी छ ।

याे पनि, एन्फा कंग्रेस माघ ६ गते

र, खेलाडीको तलब बढ्यो, महिला र पुरुषको बराबर