काठमाडौं । तेन्जिङ हिलारी एभरेस्ट म्याराथनले नेपालका लागि बेलायतका पूर्व राजदुत रिचर्ड मोरिसको सम्झनामा एक धावकलाई सम्मान गर्ने भएको छ ।
एभरेस्ट म्याराथनको आयोजक समितिले सोमबार स्वर्गीय राजदुत मोरिसको सम्झनामा 'रिचर्ड मोरिस सम्मान' को घोषणा गर्दै एक खेलाडीलाई पुरस्कृत गरिने जनाएको छ ।
यस पुरस्कार सन् २०२१ को मे २९ मा आयोजना हुने एभरेष्ट म्याराथनको दौरान प्रदान गरिने छ ।
उक्त संस्करणका एक सर्वश्रेष्ठ धावकलाई रिचर्ड मोरिस सम्मानबाट पुरस्कृत गरिने एभरेस्ट म्याराथनले जनाएको छ । पुरस्कारको राशी ८ हजार ८ सय ४८ रुपैया रहेको छ ।
मोरिस सन् २०१५ देखि २०१९ सम्म नेपालका लागि बेलायतका राजदूत थिए । तर, गत भदौमा मोरिसको निधन भएको थियो ।
मोरिसले एभरेस्ट म्याराथनमा दुई पटक भाग लिएका थिए ।
पहिलो पटक उनले २०१६ मा लुम्बिनीको माया देवी मन्दिरबाट ल्याएइएको बुद्ध दीप बोकेर त्याङबोचे गुम्बाबाट नाम्चे बजारसम्म दौडिएका थिए ।
यस्तै सन् २०१९ मा भने उनले ४२.१९५ किलोमिटर ओलम्पिक मानकको दूरीको म्याराथन नै पूरा गरेका थिए ।
-1744388693.JPG)
