निशिमुरा कपमा नेपाललाई १७ स्वर्ण

काठमाडौं । सातौं संस्करणको निशिमुरा कप अनलाईन कराते च्याम्पियनसिपमा नेपालले १६ स्वर्णसहित कुल ३६ पदक जित्न सफल भएको छ ।

फिलिपिन्स कराते लिगले आयोजना गरेको भर्चुअल प्रतियोगितामा नेपाल १७ स्वर्ण, १२ रजत र ७ कास्य पदक प्राप्त गरेको प्रशिक्षक तथा अन्तराष्ट्रिय निर्णयक रबि शाहीले जानकारी गराएका छन् ।

नेपालका लागि रविन्द्र मानन्धर, सन्जु देशार, सुभाष घटन, मिश्ली श्रेष्ठ, सुभाष कार्की, मनिस कार्की, शत्कर घर्ति मगर, अनुभा मग्रान्ति, सुबिता गौतम, गरिमा मगर, रोशमा राई र रिना श्रेष्ठले स्वर्ण पदक जितेका छन् ।

यस्तै जगत सिंह धनुक, सोनिम मानन्धर, न्यान्सी क्षेत्री, न्हुजः मान शाक्य, रुद्राक्ष देवकोटा र निता आचार्यले रजत पदक जितेका छन् ।

नेपालका जुलियाना मोक्तान, डिप्सन सापकोटा, हेरेन्जेन लामा र आरव देवकोटाले कांस्य पदक हात पारे ।

पुरुषको ३७-४५ वर्ष उमेर समूहको एडवाच मास्टर कातामा रविन्द्रले स्विडेनका एन्टोन कुमरलाई हराएर स्वर्ण जितेका हुन् ।

पुरुषको १८-२५ वर्ष उमेर समूहको एडवाच कातामा नेपालकै जगतलाई हराएर सुभाष घटनले स्वर्ण जितेका हुन् ।

पुरुषकै २५-३५ वर्ष उमेर समूहको एडवाच कातामा स्विडेनका केन्टारो एरिक्सनलाई हराएर सुभाष कार्कीले स्वर्ण जिर्दा मनिसले १३-१५ वर्ष उमेर समूहको मध्यवर्ती कातामा फिलिपिन्सका म्याथी बाल्डेटामोनलाई हराएर स्वर्ण जिते ।

शत्करले फिलिपिन्सको खेलाडी चाहतगट शिंगलाई हराएर ९ वर्ष मुनिको मध्यवर्ती कातामा स्वर्ण जिते । यसै स्पर्धाको महिलातर्फ सुबिताले फिलिपिन्सकी मरिएल्ल उर्बनोलाई हराएर स्वर्ण जितिन् ।

महिलाको १०-१२ उमेर समूहमा नविक कातामा न्यान्सीले नेपालकै अनुभालाई हराएर स्वर्ण जितिन् ।

महिलाकै १३-१७ उमेर समूहको एडवाच कातामा सन्जुले इन्डोनेसियाको खेलाडी नबिला शकिला लिनोमेलाई पराजित गरे स्वर्ण जितिन् ।

महिलाको १३-१५ वर्ष उमेर समूहमा गरिमाले स्विडेनकि खेलाडी नाथली कोमरलाई हराएर स्वर्ण जितिन् ।

महिला २६-३५ वर्ष उमेर समूहको कुमुतेमा मिश्लीले स्वर्ण जितिन् ।

यस्तै महिलाको १८-२५ उमेर समूहको एडवाच कातामा नेपालकै नितालाई हराएर रोशमाले स्वर्ण जिदा २६-३५ वर्ष उमेर समुहमा नेपालकी रिनाले फिलिपिन्सकी हन्जेलन्न बोर्ज्रेलाई हराएर स्वर्ण [अदक जितेकी हुन् ।

च्याम्पियनसिप अक्टोबर ३० देखि नोभेम्बर १ सम्म संचालन भएको थियो ।

च्याम्पियनसिपमा १६ देशका २ सय ३२ खेलाडीले विभिन्न स्पर्धामा प्रतिस्पर्धा गरेका थिए ।