जुडो दिवसमा विश्व शान्तिको कामना
विश्व शान्तिकाे कामना गर्दै पशुपति क्षेत्रमा गरिएकाे दिप प्रज्जवल । फाेटाे : खेलपाटी
काठमाडौं । विश्व शान्तिको कामना गर्दै नेपालमा समेत अन्तराष्ट्रिय जुडो दिवस मनाईएको छ ।
जुडो खेलका जन्मदाता जिगारो कानोको जन्म दिनको अवसरमा नेपालमा समेत विश्व शान्तिको कामना गर्दै मनाईएको हो ।
अन्तराष्ट्रिय जुडो महासंघ (आईजेएफ)को आह्वानमा जुडो दिवस विश्वभर अक्टोबर २८ मा मनाईने गरिन्छ ।
नेपालमा समेत जुडो दिवसका अवसरमा स्वयम्भुनाथ र पशुपतीमा दीप प्रज्जवलन गरिएको छ ।
विश्वभर महामारीको रुपमा फैलिएको कोरोना भाईरसका कारण यस वर्ष आईजेएफले दिवसका लागि स्ट्रगल टुगेदर नारा राखेको छ ।
महामारीको समय विश्व शान्तिको कामना गर्दै दिवस मनाईएको जुडो संघका महासचिव धर्मकुमार श्रेष्ठले खेलपाटीलाई बताए ।
‘हरेक वर्ष दिवसका अवसरमा कार्यक्रम गर्दै आएका थियौं । यस वर्ष महामारीले गर्दा औपचारिक कार्यक्रम गर्न सकिएन । विश्व शान्तिको कामना सहित पशुपति सहित विभिन्न स्थानमा दिप प्रज्जवलको कार्यक्रम गरेका छौ ।’ उनले भने ।
जुडो संघले दिवसका अवसरमा अघिल्ला वर्षमा विभिन्न प्रतियोगिता सहित सामाजिक उत्तरदायित्वका कार्यक्रम सञ्चालन गर्दै आएको थियो ।
-1787661904658.jpeg&w=3840&q=75)
