एआईए र भ्यालीपब्लिकको जित

काठमाडौं । क्विक्स ग्रिनल्यान्ड अन्तर विद्यालय बास्केटबल प्रतियोगितामा एआईए र भ्याली पब्लिक स्कुलले जित निकालेका छन् ।

काठमाडौंको टोखास्थित ग्रिन्ल्याण्ड विद्यालयको कोर्टमा भएको सिनियर छात्रको खेलमा एआईएले सोर्ससेन्ट स्कुललाई १९–१० को स्कोरमा हराएको हो ।

विजेताको टोलीको जितमा आयुष केसीले ७ स्कोर गरे । अर्को खेलमा भ्याली पब्लिकले नेपाल मोडललाई ४७–२४ को स्कोरमा हरायो । भ्यालीको जितमा सुमार्गी गुरुङले १५ स्कोर गरे ।

त्यस्तै, एचएचसीएले टिआएलाई १९–१० को स्कोरले हरायो । विजेता टोलीको जितमा दिपराज तामाङले १५ स्कोर गरे । बुढानिलकण्ठले निर्मल बाटिकालाई पराजित ग¥यो । बुढानिलकण्ठको जितमा मनिल राईले १४ स्कोर गरे ।

जुनियर छात्रको खेलमा ग्रिनल्यान्डले बिएनएलाई २२–७ को स्कोरले हरायो । त्यस्तै, लक्ष्मीपुरले एन्जल्सहार्टलाई २०–१८ को स्कोरमा हराउदाँ भ्यालीपब्लिकले अभियनलाई १४–६ को स्कोरमा पराजित ग¥यो ।

त्यस्तै सिनियर छात्राको खेलमा एचएचसीएले बुढानिलकण्ठलाई २७–५ को स्कोर, टिआइएले भद्रकालीलाई २९–२१ को स्कोर, भ्यालीपब्लिकले बिएनएलाई ३२–९ को स्कोरमा हरायो ।

प्रतियोगितामा सिनियर छात्रतर्फ १६, जुनियर छात्रमा १६ र सिनियर छात्रामा १२ टोलीको सहभागिता रहेको छ ।

यता, ज्ञानोदय र बाबा बोडिङ स्कुलले उलेन्द्रध्वज अन्तर बिद्यालय बास्केटबल प्रतियोगितामा जित निकालेका छन् ।

काठमाडौंको ठमेलस्थित आयोजक गोदाबारी एल्मोनायन एशोसियसनको हलमा भएको छात्रतर्फको खेलमा ज्ञानोदय स्कुलले सेन्जजेभियर गोदावारीलाई १९–२ को स्कोरमा हरायो ।

बाबा बोडिङ स्कुलले मल्सि इन्टरनेश्नल स्कुललाई ३३–५ को फराकिलो अन्तरले हरायो । त्यस्तै छात्रातर्फ ड्याफोडिल र मल्सिले जित निकालेका छन् ।

ड्याफोडिलले सेन्ज जेभियर गोदावारीलाई ६–५ को स्कोरमा हरायो । मल्सिले सेन्ज जेभियर जाउलाखेललाई ३२–४ को फराकिलो अन्तरमा हरायो ।