एसियन गेम्स : टेबल टेनिसमा चार खेलाडी पराजित

काठमाडौं । इन्डोनेसियामा जारी एसियन गेम्स अन्तर्गत टेबल टेनिसमा नेपालका चार खेलाडी पराजित भएका छन् ।

बिहिबार महिला एकलतर्फ नेपालको नम्बर एक खेलाडी नविता श्रेष्ठ र स्वेच्छा नेम्बाङ पराजित भईन् ।

नविता अन्तिम ३२ को खेलमा हङकङकी होई केम डुसंग ४ – ० को सेटमा पराजित भईन् ।

यसअघि नविताले अन्तिम ६४ को खेलमा मकाउकी सुत फि तामलाई ४ – ३ को सेटमा हराएकी थिइन् ।

महिला एकलतर्फ नै स्वेच्छा अन्तिम ६४ को खेलमा मंगोलियाकी डोलजिन्जु बत्बायरसंग ४ – ० ले स्तब्ध भईन् ।

पुरुष एकलतर्फ नेपालका अमर लाल मल्ल र स्यान्टु श्रेष्ठ पहिलो खेलमै पराजित भए ।

अन्तिम ६४ को खेलमा अमर मंगोलियाका चीन्बाट एर्डेनेबायरसंग ४ – ३ को सेटमा पराजित भए । यस्तै स्यान्टु मकाउका  चाङ छाई चेनसंग ४ – २ को सेटमा पराजित भए ।