रुसको सदस्यता खारेज गर्ने विश्व एथ्लेटिक्सको चेतावनी

एजेन्सी । विश्व एथ्लेटिक्सले रुसलाई एन्टी डोपिङ उल्लंघनको जरिवाना नतिरेमा सदस्य राष्ट्रबाट हटाउने चेतावनी दिएको छ ।

विश्व एथ्लेटिक्सले रुसलाई जरिवाना तिर्ने डेडलाइन दिदै सदस्यता खारेज गर्ने चेतावनी दिएको हो ।

रुसलाई विश्व एथ्लेटिक्सले अगस्ट १५ भित्र ६ दशमलव ३१ मिलियन अमेरिकी डलर जरिवाना बुझाउन निर्देशन दिएको छ ।

एन्टी डोपिङको नियम उलंघन गरेपछि रुसको एथ्लेटिक्स फेडेरेसन सन् २०१५ बाट निलम्बित अवस्थामा रहेको छ ।

रुसका एथ्लेटिक्स खेलाडीहरु ठुलो मात्रामा डोपिङमा असफल भएपछि विश्व एन्टी डोपिङ एजेन्सीले रुसलाई निलम्बन गरेको थियो ।

यता, रुसका खेलकुद मन्त्री ओलेगले अगस्ट मध्येसम्ममा जरिवाना तिरिसक्ने बताएका छन् ।